विराटचोकः नेपाल स्टक ब्रोकर एशोसिएसनका प्रतिनिधिहरूसँग आज भएको भेटवार्तामा अर्थमन्त्री डा. स्वर्णिम वाग्लेले बजारको हितमा सरकारले काम गर्ने बताएका छन् । अर्थमन्त्री डा. वाग्लेले सरकारले शेयर बजारलाई अनावश्यक रुपमा नचलाउने बताएका हुन् ।
एसोसिएसनका प्रतिनिधिसँग पूँजी बजारको वर्तमान अवस्था र सुधारका उपायहरूका बारेमा भएको छलफलमा सम्पत्ति शुद्धीकरणको अनुसन्धानबाट शेयर लगानीकर्ताहरु नडराउन अर्थमन्त्रीले आग्रह थिए । नेपाल हाल अन्तर्राष्ट्रिय संस्था ‘फाइनान्सियल एक्सन टास्क फोर्स’को ग्रे लिस्टमा रहेको हुनाले ग्रे लिस्टबाट निकाल्न पनि सरकारले गैरकानुनी कारोबार गर्नेलाई नियन्त्रणमा लिएर अनुसन्धान गरेको उनको भनाइ थियो ।
दोषी कारवाहीमा पर्ने तर निर्दोष लगानीकर्ता डराउनुनपर्ने दीर्घकालीन लगानी गर्नेहरुको लागि नेपालमा स्वर्णिम युग शुरु हुने उनले बताएका थिए । सो भेटवार्तामा ब्रोकर एशोसिएसनले ६ बुँदे माग अर्थमन्त्रीसमक्ष राखेको बताइएको छ ।
