विराटचोकः लगानीकर्ताको अपेक्षाविपरीत आज शेयर बजार मापन गर्ने परिसूचक (नेप्से इण्डेक्स) ७१.०५ अङ्क अर्थात् २.४० प्रतिशतले घटेर २८७९.११ को बिन्दुमा अडिएको छ ।
नयाँ सरकार गठनलगत्तै उत्साहित बनेका लगानीकर्ता एमालेले गरेको आन्दोलनका कारण त्रसित बनेको हुन सक्ने अनुमान गरिएको छ । नेप्सेमा सूचीकृत ३३३ कम्पनीको ३ करोड ५२ लाख ४८ हजार ३९७ कित्ता शेयर १ लाख ९६ हजार १५८ पटक किनबेच हुँदा १५ अर्ब ३ करोड ३३ लाख १० हजार ८६७ रुपैयाँको शेयर कारोबार भएको छ ।
घटेको बजारमा ६ कम्पनीको शेयरमूल्य १० प्रतिशतले बढेको छ । यसरी मूल्य बढ्नेमा रिलायन्स स्पिनिङ मिल्स, सुपर खुदी हाइड्रो, रिज लाइन इनर्जी, सूर्यकुण्ड हाइड्रो, भुजुङ्ग हाइड्रो र होटल फरेस्ट इन रहेका छन् ।
घटेको बजारमा युनिक नेपाल लघुवित्त वित्तीय संस्थाको शेयरमूल्य सर्वाधिक ६.१७ प्रतिशत घटेको छ । हिमालयन बैंकको डिबेन्चर, हिमाल दोलखा हाइड्रोपावर, अभियान लघुवित्त र माउण्टेन हाइड्रो उच्च मूल्य घट्ने ५ कम्पनीमा परेका छन् ।
नेप्सेमा सूचीकृत सबै समूह राताम्य हुँदा फाइनान्स समूह सर्वाधिक ३.३७ प्रतिशतले घटेको छ ।
रिडी पावरको सर्वाधिक ७१ करोड ११ लाख ७३ हजार ५५६ रुपैयाँको शेयर बिक्री भएको बजारमा उच्च कारोबार गर्ने ५ कम्पनीमध्ये ४ वटा कम्पनी जलविद्युत कम्पनीहरु छन् । ङादी ग्रुप पावर, सोलु हाइड्रोपावर, शिवम् सिमेन्ट र नेशनल हाइड्रोपावर कम्पनीको उच्च कारोबार भएको छ ।
बजार घटेसँगै समग्र बजार पूँजीकरण ४८ खर्ब ९४ अर्ब ८० करोड ६६ लाख ५० हजार ७९८ रुपैयाँ कायम भएको छ ।
