विराटचोकः साताको अन्तिम कारोबार दिन आज शेयर बजार सूचक नेपाल स्टक एक्सचेञ्ज (नेप्से) ०.२२ प्रतिशत अर्थात् ६.०३ अङ्कले बढेर २ हजार ६५४.९३ बिन्दुमा अडिएको छ ।
बलिया तथा ठूला कम्पनीहरूको मापक सेन्सेटिभ इन्डेक्स पनि ०.४२ प्रतिशतले बढेर ४५६.५१ बिन्दुमा पुगेको दिन आज नेप्सेमा सूचीकृत ३३५ वटा कम्पनीको शेयर किनबेच भएको छ । ती कम्पनीको १ करोड ५३ हजार १४५ कित्ता शेयर ४४ हजार २०४ पटक किनबेच हुँदा ४ अर्ब १७ करोड ४६ लाख ३० हजार ५१५ रुपैयाँको शेयर कारोबार भएको छ । अपि पावरको मात्रै १० लाख ५४ हजार ५४३ कित्ता शेयर कारोबार भएको छ ।
बढेको बजारमा नेप्सेका १३ वटा समूहमध्ये ४ वटा बाहेक अन्य सबैमा हरियाली छाएको छ । निर्जीवन बीमा समूह आज सर्वाधिक अर्थात् १.०९ प्रतिशतले बढ्दा बैंकिङ समूह ०.६४ प्रतिशतले बढेको छ । फाइनान्स ०.७१, हाईड्रो ०.०५, लगानी ०.३५, जीवन बीमा ०.०३, अन्य ०.०५, विकास बैंक ०.१३ र व्यापार समूह ०.४६ प्रतिशतले बढेका छन् ।
बजार बढे पनि आज उत्पादन तथा प्रशोधन समूह सर्वाधिक अर्थात् ०.४१ प्रतिशतले घट्दा लघुवित्त ०.२८, होटल ०.१६ र सामुहिक लगानी कोष ०.२५ प्रतिशतले घटेका छन् ।
बढेको बजारमा आज अपि पावरको सर्वाधिक ३२ करोड ६८ लाख ३२ हजार ५७४ रुपैयाँको १० लाख ५४ हजार ५४३ कित्ता शेयर कारोबार भएको छ । आँखुखोला जलविद्युत कम्पनी, एसवाई प्यानल नेपाल, ङादी ग्रुप पावर र रिडी पावर उच्च कारोबार गर्ने अन्य कम्पनीमा परेका छन् ।
आज सालपा विकास बैंकको शेयरमूल्य १० प्रतिशत बढ्दा रिलायन्स स्पिनिङ मिल्सको शेयरमूल्य ९.२६ प्रतिशत, हिमस्टार उर्जाको ६ प्रतिशत, झापा इनर्जीको ३.९३ र मोलुङ हाइड्रोपावरको शेयरमूल्य ३.७३ प्रतिशतले बढेको छ ।
बजार बढे पनि आज श्रीनगर एग्रीटेकको शेयरमूल्य सर्वाधिक अर्थात् ३.५७ प्रतिशतले घटेको छ । सुपर माई हाइड्रोपावर र रिडी पावर उच्च मूल्य घट्ने अन्य कम्पनीमा परेका छन् ।
बजार बढेसँगै समग्र बजार पूँजीकरण ४४ खर्ब ६६ अर्ब ६ करोड २९ लाख २४ हजार ९४३ रुपैयाँ कायम भएको छ ।
