विराटचोकः लगातार तीन हारपछि आईसीसी टी–२० विश्वकप त्रिकेट २०२६ को समूह चरणबाटै नेपाल बाहिरिएको छ । नेपाल दुई पटकको टी–२० विश्वकप विजेता वेस्ट इन्डिजसँग ९ विकेटले पराजित हुँदै समूह चरणबाटै बाहिरिएको हो ।
उता, लगातार तीन जीतपछि वेस्ट इन्डिज सुपर एटमा पुग्ने पहिलो टिम बनेको छ । समूह सी मा वेस्ट इन्डिजले अपराजित रहँदै ६ अङ्क जोडेर शीर्ष स्थानमा छ । दुई जीत र एक हारबाट इंग्लयाण्ड ४ अङ्कसहित दोस्रो स्थानमा छ । समान २ अंक जोडेका स्कटल्याण्ड र इटली क्रमशः तेस्रो र चौथो स्थानमा छन् । अब वेष्ट इन्डिज र इंग्लयाण्डले इटलीसँग खेल्न बाँकी छ । इटलीलाई हराएमा इंग्ल्याण्ड सुपर एटमा पुग्नेछ । इटलीका लागि भने सुपर एट पुग्न बाँकी दुवै खेल जित्नुपर्ने बाध्यता छ ।
लगातार तीन हारपछि नेपाल अङ्कविहीन हुँदै बाहिरिएको छ । यद्यपि मंगलबार स्कटल्याण्ड विरुद्ध हुने अन्तिम खेलमा नेपालले प्रतिष्पर्धा गर्न भने बाँकी छ । सो खेल जिते पनि नेपाल समूह चरणबाटै बाहिरिने भएको हो । नेपाल यसअघि इंग्ल्यान्ड र इटलीसँग पराजित भएको थियो ।
