विराटचोकः आईसीसी टी– २० विश्वकपमा नेपालले इटालीसामु १२४ रनको लक्ष्य प्रस्तुत गरेको छ ।
मुम्बईस्थित वानखेडे स्टेडियममा टस हारेर ब्याटिङको निम्तो पाएको नेपालले १९.३ ओभरमा सबै विकेट गुमाउँदै १२३ रनको योगफल तयार पारेको हो ।
नेपालका लागि आरिफ शेखले २७, कप्तान रोहितकुमार पौडेलले २३, आसिफ शेखले २०, करण केसीले अविजित १८ र दीपेन्द्रसिंह ऐरीले १७ रन बनाएका थिए ।
इटालीका लागि क्रिशन कालुगामेजले ३, बेन मानेन्टी र जसप्रित सिंहले २–२ तथा हसन अली र जेजे स्मट्सले १–१ विकेट लिएका थिए ।
