जनकपुरः उपचारको क्रममा धनुषाको हंसपुर नगरपालिकाका मेयर प्रदीपकुमार यादवको निधन भएको छ ।
मेयर यादवलाई मस्तिष्कघात भएपछि बिहीबार राति जनकपुरको न्युरो अस्पतालमा भर्ना गरिएको थियो । त्यसपछि थप उपचारको लागि शुक्रबार हेलिकप्टरबाट काठमाडौं लगिएको थियो ।
उपचारका क्रममा काठमाडौंको नर्भिक अस्पतालमा सोमबार यादवको निधन भएको हो ।
यादव नेपाली कांग्रेसबाट मेयरमा निर्वाचित हुनुभएको थियो ।







