सुकुना क्याम्पसमा यमबुद्ध छात्रवृत्ति कोष स्थापना गर्न सुनिल शर्माद्वारा १० लाख प्रदान

विराटचोकः मोरङको सुन्दरहरैंचामा रहेको सुकुना बहुमुखी क्याम्पसमा स्थापना हुने “यमबुद्ध छात्रवृत्ति कोष” मा मोरङ क्षेत्र नं.३ का पूर्व सांसद डा.सुनिल शर्माले १० लाख रुपैयाँ प्रदान गर्नुभएको छ ।

यम बुद्ध फाउन्डेसनद्वारा मोरङ जिल्लाको सुकुना बहुमुखी क्याम्पसमा सञ्चालन गरिएको अभियानमा उक्त सहयोग प्रदान गरिएको हो । फाउन्डेसनका अनुसार सो अक्षयकोष सुकुना बहुमुखी क्याम्पसमा स्थापना गरिनेछ ।

फाउन्डेसनको सिफारिसमा नोबेल मेडिकल कलेजबाट ५ जनालाई शतप्रतिशत निःशुल्क उपचार तथा ५० जनालाई ५० प्रतिशत छुटमा उपचार प्रदान गर्ने घोषणा पनि शर्माले गर्नुभएको छ । त्यस्तै काठमाडौं मेडिकल कलेजबाट १० जनालाई शतप्रतिशत निःशुल्क उपचार र ५० जनालाई ५० प्रतिशत छुटमा उपचार उपलब्ध गराइने घोषणा गरिएको छ ।