विराटचोकः नेपाल कृषि सहकारी केन्द्रीय संघ लिमिटेडको ५ औँ अधिवेशनबाट एकराज उप्रेतीको नेतृत्वमा १५ सदस्य नयाँ कार्यसमिति चयन भएको छ । नयाँ कार्यसमितिको उपाध्यक्षमा पूर्ण शर्मा तथा महिला उपाध्यक्षमा मीनाकुमारी ढकाल र सचिवमा चिरञ्जीवी केसी निर्वाचित हुनुभएको छ ।
१५ सदस्य सञ्चालक समितिका लागि ७ प्रदेशबाट एक एक जना निर्वाचित हुने व्यवस्थाअनुसार बागमतीबाट एकराज उप्रेती, गण्डकीबाट कृष्णबाु श्रेष्ठ, लुम्बिनीबाट पूर्ण शर्मा र सुदूरपश्चिमबाट धर्म कुँवर निर्विरोध निर्वाचित हुनुभएको थियो ।
प्रदेशको प्रतिनिधित्वअन्र्तगत कोशी, मधेस र कर्णाली प्रदेशबाट प्रतिनिधित्व गर्ने पदाधिकारीका लागि निर्वाचन भएको थियो । कोशीबाट इन्दिरा निरौला ४५ मतसहित विजयी हुनुभएको छ । उहाँका प्रतिद्वन्द्वी खगेन्द्रराज भण्डारीले ४१ मत प्राप्त गर्नुभयो ।
मधेस प्रदेशमा मिश्रलाल सहनी ५६ मतसहित विजयी हुनुभएको छ । अन्य उम्मेद्वार रामसोभित यादवले २०, दीपेन्द्रकुमार यादवले १२, रामचन्द्र यादवले ५ र शम्भुनाथ यादवले ३ मत प्राप्त गर्नुभएको थियो ।
कर्णाली प्रदेशमा २८ मतका साथ धर्मराज थापा निर्वाचित हुँदा प्रतिद्वन्द्वी चाँदनी ढकालले २६ मत प्राप्त गर्नुभएको थियो ।
खुला सञ्चालकमा चिरञ्जीवी के.सी. ३७७, सुखदेव न्यौपाने ३६२, हरिबहादुर बस्नेत ३३५, हरिबहादुर अधिकारी ३२५ मत प्राप्त गरी विजयी हुनुभएको छ । पराजित उम्मेद्वार सुमन नेपालले २२१ र नारायणप्रसाद खनालले २४१ मत ल्याउनुभएको थियो ।
महिला सञ्चालकमा गीता केसी ४१५, मीनाकुमारी ढकाल ४०१, देवकीकुमारी भण्डारी ३२३ र गोमादेवी आचार्य २५७ मत प्राप्त गरी विजयी हुनुभएको छ । प्रतिष्पर्धीहरु झुपा पाण्डेले २१३, नयनकला खड्काले १२० र कमलाकुमारी रिमालले १५६ मत प्राप्त गर्नुभएको थियो ।
संघको लेखा सुपरिवेक्षण समितिमा लेखा संयोजक महेश्वर सुवेदी र सदस्यमा पूर्णबहादुर विष्ट तथा पवित्रा घिमिरे निर्विरोध निर्वाचित हुनुभएको छ ।
संघको पदावधि ४ वर्षको लागि हुनेछ । संघमा अहिले १ हजार १ सय ५१ सदस्य संस्था रहेका छन् । संघले ७७ जिल्लामा आफ्नो कार्य क्षेत्र विस्तार गरी ९ लाख घरपरिवारका सदस्यहरुलाई सेवा प्रवाह गर्दै आएको जनाएको छ ।
निर्वाचित सञ्चालक समिति तथा लेखा सुपरिवेक्षण समितिलाई प्रमुख निर्वाचन अधिकृत वरिष्ठ अधिवक्ता पोषणराज लामिछानेले पद तथा गोपनीयताको शपथग्रहण गराउनुभएको थियो ।
