विराटचोकः सन् २०२५ को अन्तिम दिन बुधबार नेपाल स्टक एक्सचेञ्च (नेप्से) परिसूचक ०.४१ प्रतिशत अर्थात् १०.८७ अंकले बढेर २ हजार ६३३.७६ विन्दुमा पुगेको छ । नेप्सेमा सूचीकृत मध्ये ३४२ वटा कम्पनीको १ करोड १९ लाख ४६ हजार ३३३ कित्ता शेयर ६३ हजार ९८१ पटक शेयर किनबेच हुँदा ५ अर्ब १३ करोड ४८ लाख ५० हजार ५२ रुपैयाँको शेयर कारोबार भएको छ ।
नेप्सेमा सूचीकृत १३ वटै समूहमा हरियाली छाउँदा उत्पादन तथा प्रशोधन समूह सर्वाधिक अर्थात् १.६१ प्रतिशतले बढेको छ । ग्रीन भेन्चर्स कम्पनीको सर्वाधिक १७ करोड ७९ लाख ३ हजार ४१३ रुपैयाँको शेयर कारोबार भएको छ ।
आज एसवाई प्यानल नेपाल र न्यादी हाईड्रोपावरको शेयरमूल्य १० प्रतिशतले बढेको छ । बजार बढे पनि विन नेपाल लघुवित्तको शेयरमूल्य सर्वाधिक अर्थात् १० प्रतिशतले घटेको छ ।
बजार बढेसँगै समग्र बजार पूँजीकरण ४४ खर्ब २२ अर्ब १५ करोड १० लाख ६४ हजार २६६ रुपैयाँ निर्धारण भएको छ ।
