काठमाडौंः नेपाल प्रिमियम लिग एनपीएलमा हालसम्म अपराजित यात्रा गरिरहेको विराटनगर किंग्सको यात्रामा विराम लागेको छ । आज भएको खेमा विराटनगरलाई अलआउट गर्न चितवन राइनोजका रन्जितले ४ ओभरमा २१ रन खर्चेर ५ विकेट लिए । उनी यस सिजनमा एकै खेलमा ५ विकेट लिने पहिलो बलरसमेत बने ।
बायाँ हाते स्पीनर रन्जित कुमारले पाँच विकेट लिएपछि विराटनगर किंग्सको अपराजित यात्रामा ब्रेक लागेको हो । आज कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा चितवन राइएनोजले विराटनगर किंग्सलाई ४८ रनले पराजित गरेको हो ।
चितवनले दिएको १७५ रनको लक्ष्य पछ्याएको विराटनगर १६.५ ओभरमा सबै विकेट गुमाएर १२६ रनमा अलआउट भएको हो । विराटनगरका लागि लोहर अर्डका मर्चेन्ट डे लाङले ३९ र प्रतिश जिसीले ३० रन बनाएका थिए । डे लाङ र प्रतिशले नवौँ विकेटका लागि ३६ रनको साझेदारी गरेका थिए ।
यस्तै साम हिजलेटले २२ रन जोडे । विराटनगरका अन्य ८ खेलाडीले भने दोहोरो अङ्कमा रन जोड्न सकेनन् ।
चितवनका रन्जितले ४ ओभरमा २१ रन खर्चेर ५ विकेट लिए । यस्तै कमल सिंह ऐरीले २ तथा सोहेल तनविर, सैफ जैब र कप्तान कुशल मल्लले समान एकएक विकेट लिए ।
टस हारेर पहिले ब्याटिङ गरेको चितवनले २० ओभरमा ५ विकेट गुमाएर १७४ रन बनाएको थियो । चितवनका लागि बोपाराले सर्वाधिक ६५ रन बनाएका थिए । उनले ३८ बल खेल्दै ३ चौका र ४ छक्का प्रहार गरे । सैफ जैबले ३२ र देव खनालले २८ रन जोडे । कप्तान कुशल मल्लले अविजित रहँदै २० रन जोडे । बोपारा र कुशल मल्लले छैटौं विकेटका लागि ५६ रनको साझेदारी गरेका थिए ।
विराटनगरका मर्चेन्ट डे लाङ र कप्तान सन्दीप लामिछानेले दुईदुई तथा शुभम् रन्जानले एक विकेट लिएका थिए ।
