गछियाः छैटौँ स्थापना दिवसको अवसर पारेर कनकलक्ष्मी बचत तथा ऋण सहकारी संस्थाले आयोजना गरेको रक्तदानमा २८ पिण्ट रगत सङ्कलन भएको छ ।
संस्थाको कार्यालयमा हिजो भएको रक्तदानमा शेयर सदस्य, कर्मचारी, स्थानीयलगायतले रक्तदान गरेको संस्थाका व्यवस्थापक गोपाल देउजाले बताउनुभयो ।
संस्था सञ्चालक समिति सचिव अर्जुनकुमार तिम्सिनाका अनुसार रक्तदान कार्यक्रममा नेपाल रेडक्रस सोसाइटी मोरङले प्राविधिक सहयोग गरेको थियो ।
