काठमाडौंः फागुन २१ गते हुने प्रतिनिधिसभा निर्वाचन प्रयोजनका लागि हिजो एकै दिन नेकपा एमालेसहित १५ वटा राजनीतिक दल निर्वाचन आयोगमा दर्ता भएका छन् ।
आयोगका अनुसार निर्वाचन प्रयोजनका लागि दर्ता हुने दलको संख्या ८० पुगेको छ । हिजो राष्ट्रिय प्रजातन्त्र पार्टी, नेकपा एमाले, उज्यालो नेपाल पार्टी, राष्ट्रिय प्रजतन्त्र पार्टी नेपाल, प्रजातान्त्रिक पार्टी नेपालसहितका १५ पार्टी निर्वाचन आयोगमा दर्ता भएका हुन् ।
निर्वाचन आयोगका अनुसार निर्वाचनमा भाग लिन दल दर्ता गर्ने आज अन्तिम दिन हो ।
