काठमाडौंः नेपाल प्रिमियर लिग दोस्रो संस्करणमा साविक विजेता जनकपुर बोल्ट्सलाई ९ रनले पराजित गरी विराटनगर किंग्सले लगातार तेस्रो जीत हात पारेको छ । विराटनगरले यो सिजनका सबै तीन खेल जितेको हो ।
विराटनगरले दिएको १३६ रनको लक्ष्य पछ्याएको जनकपुर बोल्ट्सले पूरै २० ओभर खेल्दा ९ विकेट गुमाएर १२६ रन मात्र बनाउन सक्यो । जनकपुरका लागि लफ्टी इतनले सर्वाधिक ४२ रन बनाएका थिए ।
विराटनगरका लागि कप्तान सन्दीप लामिछानेले चार ओभरमा केवल ११ रन दिएर ४ विकेट लिए । यस्तै, सूर्य तामाङले ४ ओभरमा २० रन दिएर ३ विकेट लिए ।
त्रिवि क्रिकेट रंगशालामा विराटनगरले दिएको १३६ रनको लक्ष्य पछ्याएको जनकपुरले २० ओभरमा ९ विकेट गुमाएर १२६ रन मात्रै जोड्न सकेको थियो ।
विराटनगरको ३ खेलमा ६ अङ्क पुगेको छ ।
