लेटाङः नेकपा एमाले लेटाङ ९ नम्बर वडा कमिटीको अध्यक्षमा पुनः बद्रीनारायण निरौला सर्वसम्मत निर्वाचित हुनुभएको छ । आइतबार सम्पन्न तेस्रो वडा अधिवेशनले उहाँलाई अध्यक्षमा सर्वसम्मत चयन गरेको हो ।
सो कमिटीको उपाध्यक्षमा वुद्धिमान मास्किमगर, सचिवमा घनश्याम राई तथा उपसचिवमा भूपाल विक र निर्मला निरौला निर्वाचित हुनुभएको छ । सदस्यहरूमा बिर्खबहादुर लामगाईं, भूमिका आलेमगर, कृष्णप्रसाद विक, फूलमाया विक, ओमनाथ निरौला, अमृता त्रिखत्री र भूमा निरौला चयन हुनुभएको छ ।
निर्वाचित सबैलाई नगर कमिटी अध्यक्ष खगेन्द्रराज भण्डारीले पद तथा गोपनीयताको शपथ गराउनुभयो । अन्य सदस्य पछि मनोनित गरिने बताइएको छ ।
