विराटचोकः आज सुनको भाउ घटेको छ । चाँदीको भाउ भने बढेको छ । सुनको भाउ तोलामा ३०० रुपैयाँ घट्दा चाँदीको भाउ भने तोलामा ५ रुपैयाँ बढेको हो । चाँदीको भाउले साउन ७ गते कायम उच्च मूल्यको रेकर्ड तोडेको हो । सो दिन चाँदीको भाउ २ हजार ३५० रुपैयाँ कायम भएको थियो । सो मूल्यमा चाँदीको भाउ हिजो पनि पुगेको थियो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ९७ हजार २०० रुपैयाँ निर्धारण भएको छ । चाँदीको भाउ प्रति तोला २ हजार ३५५ रुपैयाँ निर्धारण भएको छ ।
हिजो सुनको भाउ तोलामा २ हजार ३०० रुपैयाँ र चाँदीको भाउ तोलामा ४० रुपैयाँ बढेको थियो ।
