सुन्दरहरैंचाः मोरङको सुन्दरहरैंचा नगरपालिकाका सिटी सफारी चालकहरु आन्दोलित भएका छन् ।
छिमेकी इटहरी उपमहानगरपालिकाले सुन्दरहरैंचा नगरपालिकाबाट प्रवेश गर्ने सिटी सफारी इटहरी क्षेत्रमा प्रवेश गर्न रोक लगाएपछि उनीहरु आन्दोलित भएका हुन् ।
केही महिना अघि पनि इटहरी उपमहानगरपालिकाले इटहरी क्षेत्रमा सिटी सफारीलाई प्रवेशमा रोक लगाएको थियो ।
इटहरीले प्रवेश नदिएपछि नगरले समन्वय गर्नुपर्ने भन्दै बुधबार सुन्दरहरैंचा नगरपालिकाका सिटी सफारी चालकहरुले नगरपालिका घेराउ गरेका थिए ।
