विराटचोकः बालसदन एकेडेमी सुन्दरहरैंचाले विविध कार्यक्रमका साथ हिजो स्टुडेन्ट्स डे मनाएको छ । विद्यालयमा आयोजित कार्यक्रममा विभिन्न विधामा उत्कृष्ट हुने विद्यार्थीलाई पुरस्कृत गरिएको थियो ।
कार्यक्रममा कक्षा ९ की छात्रा शिक्षा श्रेष्ठले वर्षको उत्कृष्ट उपाधी हात पारेकी छिन् । त्यस्तै, डान्सिङ आइडल, सिङ्गिंङ्ग आइडल तथा कथावाचनको ग्रान्ड फिनालेमा पहिलो, दोस्रो र तेस्रो हुने विद्यार्थीलाई कार्यक्रममा पुरस्कृत गरिएको थियो ।
विद्यालयले आयोजना गरेको डान्सिङ आइडल जुनियर सिजन ३ मा सुहाना पोखरेल, आरोही श्रेष्ठ र एलिना खतिवडा क्रमशः पहिलो, दोस्रो र तेस्रो हुनुभएको छ ।
डान्सिङ आइडल सिनियर सिजन ३ मा यशस्वी लम्साल, एलिसा अधिकारी र पुङ्गमा राई क्रमशः पहिलो, दोस्रो र तेस्रो हुनुभएको छ ।
सिङ्गिङ आइडल सिजन ३ मा प्रभा खतिवडा, अमन पोद्दार र सुहाना पोखरेल क्रमशः पहिलो, दोस्रो र तेस्रो हुनुभएको छ ।
कथावाचनमा प्रेजिना बस्नेत, एलि राई र सुज्ञानी कट्टेल क्रमशः पहिलो, दोस्रो र तेस्रो हुनुभएको छ ।
विद्यालयका प्रबन्ध निर्देशक सूर्य दङ्गालको अध्यक्षतामा भएको कार्यक्रमको प्रमुख अतिथि सुन्दरहरंैचा नगरपालिकाको शिक्षा शाखा प्रमुख तेज आचार्य रहनुभएको थियो । प्याब्सन सुन्दरहरैंचाका अध्यक्ष दीपक क्षेत्री विशिष्ट अतिथि रहनुभएको कार्यक्रममा प्याब्सन सुन्दरहरैंचाका सदस्य जीवन बस्नेत, प्रभातकिरण बोर्डिङ स्कुलका प्रिन्सिपल राम आचार्य रहनुभएको थियो ।
कार्यक्रममा विद्यालयका प्रिन्सिपल निरज ढकाल, को अर्डिनेटर ईश्वर आचार्य, मन्टेश्वरी ब्लक इन्चार्ज नविना कट्टेललगायतको उपस्थिति रहेको थियो ।
कार्यक्रममा गत वर्षको वार्षिक परीक्षामा विभिन्न कक्षाबाट पहिलो, दोस्रो र तेस्रो भई उत्तीर्ण हुने विद्यार्थीलाई पुरस्कृत पनि गरिएको थियो ।
