काठमाडौंः काठमाडौंतर्फ आउँदै गरेको नम्बर नखुलेको जीप सिन्धुलीको गोलञ्जोर गाउँपालिका वडा नम्बर १ कुँडुलेबाट सुनकोशीमा खस्दा ३ जना बेपत्ता भएका छन् ।
दुर्घटनाको क्रममा एक जनाले भने हाम फालेर ज्यान जोगाएका छन् । उनको खुर्कोट सामुदायिक अस्पतालमा उपचार भइरहेको छ । अन्य ३ जनाको अवस्था अहिलेसम्म अज्ञात रहेको प्रहरीले जनाएको छ ।
दुर्घटनामा परी भक्तपुरको सूर्यविनायक नगरपालिका जगाती बस्ने ३२ वर्षीय चालक अबिन बाके, सोही ठाउँका ३० वर्षीय प्रनित स्यागु र ३७ वर्षीय बलराम घटुवा बेपत्ता भएका छन् । सुशान्त कक्षपति घाइते भएका छन् ।
