विराटचोकः नेपाल पत्रकार महासंघको निर्वाचन असार २२ गते हुने भएको छ । सार्वजनिक निर्वाचन कार्यतालिका अनुसार असार ७ गते शुक्रबार राति साढे ८ बजे मतदाता नामावली प्रकाशन भएको छ । भोलि असार १० गते बिहान १० बजेसम्म मतदाता नामावलीमाथी दाबी विरोध गर्ने समय छुट्याइएको छ । असार १२ गते अपराह्न्न चार बजे मतदाताको अन्तिम नामावली प्रकाशन गरिने भएको छ ।
असार १३ गते बिहान १० बजेदेखि अपराह्न्न ४ बजेसम्म उम्मेद्वारको मनोनयन दर्ता, १३ गते साँझ ८ बजे उम्मेद्वारको नामावली प्रकाशन गर्ने कार्यतालिका रहेको छ ।
असार १३ गते साँझदेखि असार १५ गते बिहान १० बजेसम्म उम्मेदवारमाथि दाबी विरोध र असार १५ गते बिहान ११ बजेसम्म उम्मेद्वारी फिर्ताको समय रहेको छ । उम्मेद्वारको अन्तिम नामावली प्रकाशन असार १५ गते दिउँसो २ बजे हुने भएको छ । असार २२ गते बिहान ९ बजेदेखि साँझ ५ बजेसम्म मतदान र मतदान सम्पन्न भएपछि सोही दिन मतगणना हुने कार्यतालिका रहेको छ ।
