विराटचोकः सारेगम लिटल च्याम्प्सका सेकेण्ड रनर अप बालगायक प्रीतम आचार्यलाई सुन्दरहरैंचा नगरपालिकाले सम्मान गरेको छ ।
सुन्दरहरैँचा नगरपालिकाले आयोजना गरेको बालमैत्री स्थानीय शासन अभिमुखीकरण तथा विविध बाल प्रस्तुति प्रदर्शनी कार्यक्रम अन्तर्गत भएको प्रतियोगितामा आचार्यलाई सम्मान गरिएको हो । कार्यक्रमका प्रमुख अतिथि प्रदेश सांसद ज्ञानेन्द्र सुवेदी, सुन्दरहरैंचा नगरपालिकाकी उपप्रमुख अकली चौधरीलगायतले प्रीतमलाई सम्मान गर्नुभएको थियो ।
कार्यक्रममा सुन्दरहरैंचाका विभिन्न विद्यालयबाट सहभागी भएका विद्यार्थीले गीत, नृत्य, कविता तथा नाटक प्रस्तुत गरेका थिए । बालबालिकाबीच वक्तृत्वकला प्रतियोगिता पनि भएको थियो ।
