काठमाडौंः भारतीय टेलिभिजन रियालिटी शो ‘इण्डियन आइडल’बाट नेपाली गायक मेनुका पौडेल बाहिरिएकी छिन् ।
प्रतिस्पर्धाबाट बाहिरिएपछि उनले सामाजिक सञ्जालमा आफ्नो इण्डियन आइडलको यात्रा टुङ्गिएको जानकारी गराएकी छिन् ।
‘आजबाट इण्डियन आइडलको मेरो यात्रा सकिएको छ । तर मेरो जीवनको सांगीतिक यात्रा भने भर्खर सुरु भएको छ । म पहिलाभन्दा सक्रिय रहेर गायन र प्रस्तुतिमार्फत सबैलाई अझै मनोरञ्जन दिनेछु । ईन्डियन आइडल सिजन १४ को टप १० सम्म पुर्याउन साथ दिनुहुने सबैप्रति आभार व्यक्त गर्न चाहन्छु । यो मेरो सुरुवात हो, समाप्ती होइन । अहिलेको लागी ईन्डियन आइडलबाट बिदा माग्न चाहन्छु’, उनले सामाजिक सञ्जालमा लेखेकी छिन् ।
