विराटचोकः राष्ट्रपति रामचन्द्र पौडेलले आज दिउँसो साढे ३ बजे राष्ट्रका नाममा सम्बोधन गर्नहुने भएको छ ।
भदौ १० गते भोटेकोशी हुँदै त्रिशूली नदीमा गएको बाढीबाट प्रभावित रसुवा र नुवाकोटका विभिन्न क्षेत्रमा आज स्थलगत अवलोकनपछि काठमाडौं फर्केर राष्ट्रपतिले राष्ट्रका नाममा सम्बोधन गर्न लाग्नुभएको हो ।
सो बाढीका कारण मृत्युवरण गर्ने व्यक्तिको सम्मानस्वरुप आज सरकारले राष्ट्रिय शोक मनाउने निर्णय गरेको थियो।
सोहीअनुसार आज देशभरका सरकारी कार्यालय एवं विदेशस्थित नेपाली दूतावास र नियोगमा राष्ट्रिय झण्डा आधा झुकाइएको छ।
