काठमाडौंः रसुवाको भोटेकोशी नदीमा आएको विनाशकारी बाढीपछि उद्धार तथा खोजी कार्य जारी रहँदा नेपाल प्रहरीले राति ९ बजेसम्मको विवरण सार्वजनिक गर्दै हालसम्म ३८९ वटा शव फेला परेको जनाएको छ ।
फेला परेका शवमध्ये रसुवामा १७, नुवाकोटमा २८, धादिङमा ३३, चितवनमा १३७, गोरखामा ३२, तनहुँमा २८, नवलपरासी (पूर्व) मा ८७ र नवलपरासी (पश्चिम) मा २७ वटा रहेका छन् ।
सो विपद्मा परेका र उद्धारको पर्खाइमा रहेका ४६६ जनाको उद्धार गरिएको प्रहरीले जनाएको छ । उद्धार गरिएकामध्ये काठमाडौँमा ८४, रसुवामा २८९, धादिङमा ३ र नुवाकोटमा ९० जनालाई राखिएको छ ।
बाढी प्रभावित क्षेत्रमा ४ हजार ३४८ जना प्रहरी परिचालन गरिएको जनाइएको छ ।
