विराटचोकः आज शेयर बजारमा सामान्य उतारचढाव आएको छ । बजार खुलेको १० मिनेटपछि उकालो लागेको बजारले ५० मिनेटसम्म हरियो झण्डा देखाए पनि त्यसपछि बजार राताम्य भएको छ ।
अहिले दिउँसो १ बजेसम्ममा बजार पौने ५ अंक आसपास घटेर २५९५ आसपासको बिन्दुमा नेप्से रहेर शेयर किनबेच भइरहेको छ । दुई घण्टाको अवधिमा २ अर्ब १६ करोड ९१ लाख रुपैयाँको शेयर किनबेच भएको छ ।
बजार घटे पनि सर्वाेत्तम पेन्ट्सको शेयरमूल्य सर्वाधिक १५ प्रतिशत बढेको छ ।
सयपत्री हाइड्रोपावरको शेयरमूल्य सर्वाधिक अर्थात् ६ दशमलव ७६ प्रतिशत घटेको छ ।
घटेको बजारमा मकर जितुमाया सुरी हाइड्रोपावरको सर्वाधिक ८७ करोड ४६ लाख ८९ हजार रुपैयाँको शेयर किनबेच भएको छ ।
