इटहरीः उद्योग वाणिज्य संघ इटहरीमा गायत्री कटवाल भण्डारी निर्वाचित हुनुभएको छ । संघको इतिहासमा पहिलो पटक महिलाले नेतृत्व गर्नुहुने भएको हो ।
शनिबार भएको निर्वाचनको अन्तिम मतपरिणाम आइतबार राति सार्वजनिक हुँदा गायत्री कटवाल भण्डारी १५ मतान्तरले अर्का उम्मेद्वार नवराज काफ्लेलाई पराजित गर्दै विजयी हुनुभएको हो । उहाँ संघको पूर्व कोषाध्यक्ष तथा रेडिमेड व्यवसायी संघ इटहरीको संस्थापक अध्यक्ष हुनुहुन्छ ।
भण्डारीले ७५८ मत प्राप्त गर्दा काफ्लेले ७४३ मत प्राप्त गर्नुभएको थियो ।
अध्यक्षमा भण्डारी निर्वाचित भए पनि वाणिज्य सदस्यतर्फ भने सबै सदस्य काफ्ले समूहका निर्वाचित भएका छन् । जीवनकुमार न्यौपाने सर्वाधिक ९८९ मतसहित निर्वाचित भए। त्यसपछि सञ्जीव खड्का (९८४), बलराम बस्नेत (९६०), सिनेट रिजाल (९५९), सञ्जय शाह (९५७), बलबहादुर न्यौपाने (९४३), सन्नी चौधरी (९१५), दिनेशप्रसाद धमला (९०८) र महेश थापा (८८३) मत प्राप्त गर्दै विजयी बन्नुभएको छ ।
वाणिज्य सदस्यमा भण्डारी प्यानलका उम्मेद्वार दुर्गाप्रसाद थापाले ५५८, निर्मला श्रेष्ठले ५१३, उषा सेढाई (सत्याल)ले ४८४ र हर्कबहादुर विकले ४२३ मत पाउनुभएको थियो ।
महिला सदस्यतर्फ मीना आचार्य ढकाल र सुमित्रा घिमिरे भट्टराई निर्वाचित हुनुभएको छ । ढकालले ९५६ मत प्राप्त गर्दा भट्टराईले ६८१ मत प्राप्त ल्याउनुभएको थियो ।
महिला सदस्यमा पराजित पुनम थापा मगरले ६१२ र लीलाकुमारी राईले ६१० मत ल्याउनुभएको थियो ।
उद्योग सदस्यतर्फ अभिषेक बस्नेत (१४४), शिवप्रसाद भट्टराई ‘भूपाल’ (१३४), हरिप्रसाद तिम्सिना (१२१) र किसनकुमार खेडिया (१०१) मत ल्याएर निर्वाचित हुँदा अर्का उम्मेद्वार सुरज आङ्देम्बेले ८० मत ल्याउनुभएको थियो ।
संघमा २ हजार ३६९ मतदाता रहेकामा निर्वाचनमा १ हजार ५४३ मत खसेको थियो ।
