बीपी प्रतिष्ठान धरानकी नवनियुक्त उपकुलपति कार्कीद्वारा पद तथा गोपनीयताको शपथ ग्रहण

धरानः हालै नियुक्त बीपी कोइराला स्वास्थ्य विज्ञान प्रतिष्ठान धरानकी उपकुलपति प्रा. डा. स्मृति कार्कीले पद तथा गोपनीयताको शपथ ग्रहण गर्नुभएको छ ।

स्वास्थ्य तथा खाद्य स्वच्छता मन्त्री निशा मेहतासमक्ष नवनियुक्त उपकुलपतिले पद तथा गोपनीयताको शपथ ग्रहण गर्नुभएको हो ।

नेपाल सरकारले ‘स्वास्थ्य विज्ञान प्रतिष्ठानहरूको उपकुलपति छनोट तथा सिफारिशसम्बन्धी एकीकृत कार्यविधि, २०८३’ बमोजिम गठित छनोट तथा सिफारिश समितिको सिफारिशका आधारमा कार्कीलाई प्रतिष्ठानको उपकुलपतिमा नियुक्त गरेको थियो ।