विराटचोकः भोलि जेठ १६ गतेदेखि सुन्दरहरैंचा नगर खेलकुद विकास समितिको आयोजनामा चौथो सुन्दरहरैंचा मेयर गोल्डकप हुने भएको छ ।
सुन्दरहरैंचा–१२ स्थित शुक्रबारे खेल मैदानमा आयोजना हुने प्रतियोगिताको उद्घाटन खेलमा भोलि मोरङका बेलबारी नगरपालिका र पथरीशनिश्चरे नगरपालिकाबीच दिउँसो ३ बजे प्रतिष्पर्धा हुने आयोजकले जनाएको छ ।
आयोजक सुन्दरहरैंचा नगरपालिकाले जेठ १७ गते बेलका नगरपालिका उदयपुरसँग प्रतिष्पर्धा गर्ने भएको छ ।
जेठ १८ गते दिउँसो ३ बजे मोरङको केराबारी गाउँपालिका र झापाको शिवसताक्षी नगरपालिकाबीच दिउँसो ३ बजे खेल हुने भएको छ ।
जेठ १९ गते दिउँसो ३ बजे मोरङको लेटाङ नगरपालिका र सुनसरीको इटहरी उपमहानगरपालिकाबीच प्रतिष्पर्धा हुने भएको छ ।
प्रतियोगिताको विजेता टिमले नगद २ लाख रुपैयाँ र ट्रफी तथा उपविजेता टिमले नगद १ लाख रुपैयाँ र ट्रफी पाउने आयोजकले जनाएको छ । त्यस्तै, विभिन्न विधागत पुरस्कार पनि दिइने आयोजकले जनाएको छ ।
