विराटचोकः कोशी प्रदेश स्तरीय पब्लिक क्याम्पसमा कार्यरत कर्मचारीको हक हितका निमित्त प्रदेश स्तरीय पब्लिक क्याम्पस कर्मचारी संघको तदर्थ समिति गठन गरिएको छ ।
शनिबार झापामा आयोजित भेलाले दमक बहुमुखी क्याम्पसका पदमप्रसाद घिमिरेको अध्यक्षतामा तदर्थ समिति गठन गरेको हो । सचिवमा सुकुना बहुमुखी क्याम्पसका लोकप्रकाश भट्टराई (जीवन) चयन भएका छन् ।
यसैगरी सदस्यहरुमा हरिप्रसाद ढकाल, धर्मराज बोहोरा, प्रकाश श्रेष्ठ, प्रेमबहादुर कुँवर लगायत १९ जना रहेका छन् । सो समितिले पब्लिक क्याम्पस संघ केन्द्रीय समितिलाई संघको विधान र समिति निर्माण प्रकृयाको विषयमा असहमत जनाउँदै ज्ञापनपत्र मार्फत आफ्ना माग अघि सारेको छ ।
क्याम्पस सञ्चालनमा सञ्चालक समिति, प्राध्यापक, कर्मचारी, विद्यार्थीसहित ४ वटा खम्बाहरू रहेकोमा अहोरात्र खट्ने कर्मचारीलाई बेवास्ता गरेको भन्दै कर्मचारीलाई समेट्न आग्रह गरिएको छ ।
माग अनुसार नै पब्लिक क्याम्पस संघको विधान परिवर्तन गरेर कर्मचारीलाई पनि समेट्नुपर्ने भनी संघले विज्ञप्ति जारी गरेको छ ।
