काठमाडौंः थापाथलीको सुकुम्बासी क्षेत्रमा बिहान साढे ८ बजेदेखि डोजर परिचालन गरेर बस्ती खाली गरिएको छ ।
ती बस्तीमा आश्रित परिवारलाई तत्कालको लागि दशरथ रङ्गशालामा राखिने भएको छ । केही परिवारले भने कोठा खोजेर सामान सारेको जनाएका छन् ।
ती डोजरले सडक छेउका संरचना भत्काउनुका साथै सुकुम्बासी बस्तीभित्रका अन्य संरचना पनि भत्काएका छन् ।
संरचना भत्काउनुअघि सो क्षेत्रको बिजुली काटिएको थियो ।
थापाथलीको बस्ती खाली गरेपछि काठमाडौं महानगरपालिकाभित्रका अन्य सुकुम्बासी बस्ती पनि हटाइने भएको छ ।
हटाइएकामध्ये वास्तविक सुकुम्बासी पहिचान गरेर स्थानान्तरण गरिने सरकारले जनाएको छ ।
