विराटचोकः प्रतिनिधिसभाको उपसभामुख पदको निर्वाचन अहिले भइरहेको छ । सो पदका लागि राप्रपाकी सरस्वती लामा र श्रम संस्कृति पार्टीकी रुबिकुमारी ठाकुर उम्मेद्वार छन् ।
पहिलो चरणमा लामालाई उपसभामुख निर्वाचित गरियोस् भन्ने प्रस्ताव निर्णयार्थ पेस गरिएको थियो । मतदानबाट गरिएको उक्त निर्णयको पक्षमा अर्थात् हुन्छ भन्ने पक्षमा जम्मा ५ मत खसेको छ । लामालाई राप्रपाका सांसदले मात्रै मत दिएका थिए । प्रतिनिधि सभामा राप्रपाका ५ जना सांसद छन् ।
उनको विपक्षमा २१५ मत खसेको छ भने ३७ जनाले मत जाहेर नगरी तटस्थता जनाएका थिए । नेकपा एमालेका सांसदले मत जाहेर नगरेका हुन् ।
आजको प्रतिनिधिसभा बैठकमा २५७ जना सांसाद उपस्थित थिए ।
