विराटचोकः साताको अन्तिम कारोबार दिन हिजो बिहीबार नेप्से परिसूचक ५.८२ अङ्कले बढेर २ हजार ७८२.१८ विन्दुमा अडिएको छ । बजार बढे पनि कारोबार रकम अघिल्लो दिनको तुलनामा घटेको छ ।
हिजो ३२८ कम्पनीका २ करोड १३ लाख १८ हजार ९३९ कित्ता शेयर १ लाख ३ हजार २२५ पटक किनबेच हुँदा ८ अर्ब ८१ करोड ९७ लाख २३ हजार रुपैयाँको कारोबार भएको हो ।
बढेको बजारमा विकास बैंक, होटल तथा पर्यटन, जलविद्युत, लगानी, उत्पादनशील तथा प्रशोधन, सामुहिक लगानी कोष र व्यापार समूहका परिसूचक बढेका छन् ।
वाणिज्य बैंक, वित्त, लघुवित्त, जीवन बीमा, निर्जीवन बीमा र अन्य समूहका परिसूचक भने घटेका छन् ।
बढेको बजारमा रिलायन्स स्पिनिङ मिल्स, रिज लाईन इनर्जी, सूर्यकुण्ड हाइड्रो इलेक्ट्रिक, भुजुङ हाइड्रो, सुपर खुदी हाइड्रो र होटल फरेस्ट इनको शेयरमूल्य १० प्रतिशत बढेको छ ।
बढेको बजारमा भूगोल इनर्जी डेभलपमेन्ट कम्पनीका लगानीकर्ताले सर्वाधिक ३ दशमलव ०६ प्रतिशतले सम्पत्ति गुमाएका छन् । एनएमबी हाइव्रिड फण्ड, क्रेष्ट माइक्रो लाईफ इन्स्योरेन्स, अभियान लघुवित्त, ग्लोबल आईएमई ब्यालेन्सड फण्डका लगानीकर्ता उच्च मूल्य घट्ने अन्य कम्पनीमा परेका छन ।
बजार बढेसँगै समग्र बजार पूँजीकरण ४७ खर्ब ३० अर्ब २ करोड २१ लाख ४१ हजार ३२१ रुपैयाँ कायम भएको छ ।
