विराटनगरः उद्योग संगठन मोरङको आयोजनामा विराटनगरमा पहिलो पटक ‘घर निर्माण प्रदर्शनी २०८२’ सीआईएम होम बिल्ड एक्जिबिसन २०२६ आयोजना हुने भएको छ ।
निर्माण क्षेत्रको समग्र विकास र उपभोक्ता सचेतनालाई प्राथमिकता दिँदै होम बिल्ड एक्जिबिसन २०२६ आयोजना गरिने भएको उद्योग संगठनले विराटनगरमा बिहीबार पत्रकार सम्मेलन गरी जानकारी दिएको हो । निर्माण व्यवसाय क्षेत्रलाई चलायमान बनाउन प्रदर्शनी आयोजना गर्न लागेको जानकारी दिइएको छ ।
संगठनका अध्यक्ष नन्दकिशोर राठीले चैत १२ देखि १६ गतेसम्म विराटनगरको जैन भवनमा ‘सुरक्षित घर, स्मार्ट जीवन’ भन्ने मूल नाराका साथ प्रदर्शनी आयोजना हुने जानकारी दिनुभयो ।
