विराटचोकः सुन्दरहरैंचा नगरपालिका वडा नं. ११ मा निर्माणाधीन लोहितगंगा मुक्तिघाटको प्रथम वार्षिक साधारणसभा घाट परिसरमा सम्पन्न भएको छ ।
साधारण सभामा पछिल्लो समय घाट निर्माणमा अनियमितता भएको भनी सामाजिक सञ्जालमा आएका विषयहरूबारे समेत प्रवेश पाएको थियो । सभामा ती विषयहरू गलत तथा भ्रामक रहेको निष्कर्ष निकाल्दै तथ्यबिनाका सामग्री सामाजिक सञ्जालमा प्रचार नगर्न आग्रह गरिएको छ ।
साधारण सभाले नवराज चापागाईंको अध्यक्षतामा १७ सदस्यीय नयाँ कार्यसमिति चयन गरेको छ । उपाध्यक्षमा धनमाया तामाङ र राजेन्द्र प्रसाद दाहाल, सचिवमा दिलीप दाहाल, कोषाध्यक्षमा टीका सुवेदी चयन हुनुभएको छ ।
