लेटाङः लेटाङ ब्याडमिन्टन क्लबको आयोजनामा लेटाङ– ४ स्थित कभर्ड हलमा ब्यागमिन्टन च्याम्पियनसिप प्रतियोगिता सम्पन्न भएको छ ।
प्रतियोगितामा पोल ‘ए’बाट कृष्णराज राई र विष्णु मगरको जोडीले पञ्चलाल राई र दीपक राईको जोडीलाई पराजित गर्दै विजयी हुन सफल भयो । पोल बीततर्फ सबिनजंग निरौला र गजेन्द्र मगरले बेलबहादुर शिरीष र चिरञ्जीवी कट्टेलको जोडीलाई पाखा लगायो ।
प्रतियोगितामा ४४ जना खेलाडी सहभागी थिए । प्रतियोगिताको अध्यक्षता लेटाङ ब्याडमिन्टन क्लबका अध्यक्ष हिक्मतबहादुर खड्काले गरेका थिए ।
लेटाङ नगरपालिकाका प्रमुख भुपेन्द्रकुमार लावतीको प्रमुख आतिथ्यता तथा पूर्व नगरप्रमुख शंंकर राईको विशिष्ट आतिथ्यता रहेको प्रतियोगितामा वडाध्यक्षहरु डम्बर राई र राम श्रेष्ठ लगायतको उपस्थिति थियो ।
