गोठगाउँः दशैं बिदा हुनुपूर्व मोरङको सुन्दरहरैंचा नगरपालिका वडा नम्बर ७ मा रहेको ज्ञानज्योति इङ्लिस स्कुलले पूर्व प्राथमिक कक्षामा अध्ययनरत बालबालिकालाई दशैंको शुभकामना दिँदै टीका र जमरा लगाइदिएको छ ।
कार्यक्रममा बालबालिकाले एकअर्कासँग शुभकामना साटासाट गर्नुका साथै नृत्य प्रस्तुत गरेर कार्यक्रमलाई उल्लासमय बनाएका थिए । विद्यार्थीलाई नेपाली मौलिक संस्कार, संस्कृति र परम्परासँग परिचित गराउने उद्देश्यले कार्यक्रम आयोजना गरिएको विद्यालयले जनाएको छ ।
विद्यालयका प्रिन्सिपल देवी सिटौलाले बालबालिकालाई औपचारिक शिक्षासँगै असल संस्कार, नैतिक मूल्य र सामाजिक व्यवहार सिकाउनु पनि विद्यालयको महत्त्वपूर्ण जिम्मेवारी भएको बताउनुभयो । बाल्यकालमै सिकेका संस्कार र व्यवहारले बालबालिकाको व्यक्तित्व निर्माणमा महत्त्वपूर्ण भूमिका खेल्ने हुनाले पढाइसँगै नेपाली मौलिक संस्कृति र परम्परासँग जोडिएका गतिविधिलाई विद्यालयले प्राथमिकता दिएको उहाँको भनाइ थियो ।
