सलकपुरः आप्रवासी महिला कामदार समूह (आमकास) नेपाल मोरङको सातौँ वार्षिक साधारणसभा सुन्दरहरैँचा–८, सलकपुरस्थित शिक्षा निकेतन माध्यमिक विद्यालयमा सम्पन्न भएको छ ।
साधारणसभाले उमादेवी सेढाईंलाई पुनः अध्यक्षमा निर्वाचित गरेको छ । यसअघि कायम रहेका अन्य सदस्यलाई यथावत् राख्दै रिक्त रहेका तीन सदस्य पदमा बेलकुमारी घिमिरे, सुनिता घिमिरे र मन्दिरा प्रसाईंलाई साधारणसभाले चयन गरेको छ ।
साधारणसभाको प्रमुख अतिथिका रूपमा सुन्दरहरैँचा नगरपालिका–८ की वडा सदस्य कुमादेवी लुइँटेल सहभागी हुनुहुन्थ्यो । कार्यक्रममा सुन्दरहरैँचा–९ की महिला सदस्य शारदा बिक तथा वडा नं. १० की दीपा विकसहित विभिन्न संघसंस्थाका प्रतिनिधि, विशिष्ट अतिथि तथा सामाजिक क्षेत्रका व्यक्तिहरूको उपस्थिति थियो ।
