विराटचोकः माघ महिनाको अन्तिम दिन हिजो शेयर बजार मापक नेपाल स्टक एक्सचेञ्च (नेप्से) परिसूचक ०.३३ प्रतिशत अर्थात ८.९७ अङ्कले बढेर २ हजार ६७१.०७ बिन्दुमा रोकिएको छ ।
नेप्सेमा सूचीकृत मध्ये ३३७ वटा कम्पनीको २ करोड ७७ लाख ८० हजार ५८४ कित्ता शेयर १ लाख ६ हजार १८ पटक किनबेच हुँदा ११ अर्ब १० करोड २५ लाख ५० हजार ९६६ रुपैयाँको शेयर कारोबार भएको छ ।
नेप्सेमा सूचीकृत १३ वटा समूहमध्ये ८ वटा समूहमा हरियाली छाउँदा विकास बैंक समूह सर्वाधिक अर्थात १.१८ प्रतिशतले बढेको थियो । होटल समूह सर्वाधिक अर्थात १.६५ प्रतिशतले घटेको थियो ।
बढेको बजारमा ङादी ग्रुप पावरको सर्वाधिक ७० करोड ५३ लाख २९ हजार ८६ रुपैयाँको शेयर किनबेच हुँदा एसवाई प्यानल नेपालको ४३ करोड ४२ लाख, रिडी पावरको ४१ करोड ९७ लाख र आँखुखोला जलविद्युतको ३९ करोड ९१ लाख रुपैयाँको शेयर किनबेच भएको छ ।
मध्य भोटेकोशी जलविद्युतको १० प्रतिशत मूल्य बढेको बजारमा कालिञ्चोक दर्शनको शेयरमूल्य सर्वाधिक अर्थात ७.५९ प्रतिशतले घटेको थियो ।
बजार घटेसँगै समग्र बजार पूँजीकरण ४४ खर्ब ८४ अर्ब ७९ करोड १६ लाख ७७ हजार ९०८ रुपैयाँ कायम भएको छ ।
